Discover posts
معنى فقدان الشغف ..! ✨️
البنت اللي في الصورة قدامك ديه تبقي "إليسا لام" قصتها من اكتر القصص المرعبة في التاريخ الحديث واللي ملهاش تفسير حقيقي لحد دلوقتي
الصور الي قدامك ديه من فيديو سجلته كاميرات المراقبة ونشرته الشرطة بعد بلاغ من أهل البنت وإلي كان اسمها "إليسا لام " من كندا بعد ما ابلغوا انها اختفت فجأة ومكانتش بترد على أي اتصالات لمدة أكتر من يوم ، قضيتها كانت حديث العالم في فترة من الفترات بسبب الغموض الي فيها
في الفيديو ظهرت اليسا قبل اختفائها وهي في الاسانسير وتصرفاتها كانت غريبة ومش مفهومة ، فجأة طلعت تجري وهي بتحرك ايديها كأن فيه حد بيحاول يتهـ،جم عليها وهي بتمنعه وترجع تجري تدخل الاسانسير تاني وتستخبي
وفجأة ترجع تقف قدام الاسانسير وتفضل تتكلم وتحرك إيديها كأن فيه حد مش ظاهر في الفيديو وهي بس الي شيفاه وبتتكلم معاه وخايفة منه ، الفيديو مريب بكل ما تحمله الكلمة وملهوش تفسير منطقي وبالمناسبة الفيديو موجود على كل المنصات ومنتشر لحد وقتنا هذا
الحكاية بدأت سنة ٢٠١٣ شهر يناير لما قررت إليسا تزور الولايات المتحدة في رحلة سياحية تحديدا كاليفورنيا وفي مدينة لوس انجلوس حجزت في فندق مشهور إسمه فندق " سيسيل" بالمناسة الفندق ده مرتبط بيه جرايم قتـ.ل وانتـ..حار كتير جدا من وقت افتتاحه في التلاتينات
نزلت إليسا في الفندق والأمور كانت مستقرة لكن فجأة تتقطع الإتصالات بينها وبين اهلها الي مكنوش قادرين يوصلوا ليها ، الاغرب انهم سألوا عليها في الفندق وإدارة الفندق أكدوا انها مش موجودة وميعرفوش عنها أي حاجة
اهلها بلغوا الشرطة الي فضلت تبحث عنها لكن إليسا مكنش ليه اي اثر في اي حتة ، مفيش غير الفيديو الغريب الي كان اخر ظهور ليها فيه وهي مذعورة وبتدوس على كل زراير الاسانسير وبتتصرف تصرفات كأنها شايفة شئ مش مرأي
وبعد حوالي ١٩ يوم من البحث والتحري بدون اي فايدة تيجي شكوي من سكان الفندق ان ضغط الميه اقل جدًا والميه نفسها بقي ليها لون غريب وريحة كريهة ، عشان تبعت الإدارة العمال يفحصوا الخزنات الي فوق سطح الفندق وهنا تيجي المفاجأة
العمال لقوا جثـ..ة اليسا بتطفو في الميه عريانه بدون ملابسه بس ملابسه بتطفو جنبها ، بس مش ده كان الغريب ابدًا لأن ده ميدلش عن حاد..ث انتحـ..ار او قتـ..ل
وده لأن الباب الي بيوصل لسطح الفندق ليه مفاتيح خاصة مع الإدارة فقط ، ده غير أن فيه اجهزة انذار لما الباب بيتفتح بتشتغل وده محصلش ابدًا يوم اختفائها ،فا كان السؤال ازاي اليسا وصلت هناك؟
الاصعب كمان ان الخزنات بتحتاج سلالم خاصة عشان العامل يقدر يطلعلها ومن المستحيل على بنت زي اليسا انها تعمل كده، الموضوع كان غامض وملهوش اي تفسير
بعد تشر..يح الجثـ..ة مكنش فيه اي اثار اعتد..اء او اي علامة تثبت ان الوفاه قتـ..ل متعمد وده الي خلي القضية تاخد جانب ملهوش تفسير
قصة إليسا كملت سلسة القصص الغريبة الي حصلت في فندق سيسيل والي اتسجل فيه اكتر من حالة قتـ..ل واكتر من حالة انتـ..حار ، قضية إليسا اتشهرت في العالم كله بسبب غموضها لكن لحد وقتنا هذا مفيش دليل حقيقي يفسر سبب الي حصل
هسيبلكم بعض المصادر وبعض المقالات اللي اتنشرت عن القصة 👇
ــــــ
إعداد وكتابة/ محمد المغربي
👌
