#برياني باللحمه
طريقة اللحمه :
المكونات المستخدمه في اللحمه
٢ بصله كبيره مبشوره ناعم
٤ فصوص ثوم
واحد لومي (ليمون مجفف)
عود قرفه
كيلو لحمه
ربع كوب زبيب او نص براحتكم و ممكن بدون زبيب بس الزبيب بيضيف طعم حلو اوي
١ بطاطس كبيره( مقطعه شرايح دائريه )
البهارات(نص معلقة صغيره من كاري -كركم-حبهان مطحون -فلفل اسود و الملح زي ما تحبو)
الطريقه:-
معلقة و نص سمنه و نحطها في حلة و نحط البصل و الثوم المشورين ناعم و نحط عليهم البهارات و نشوحهم تشويحه خفيفيه و بعد كده نضيف الزبيب و نقلب و بعد كده نضيف قطع اللحمه و نديها صدمه و لما تتشوح اللحمه نطف قطع البطاطس و بعد كده نضيف ميه لسلق اللحمه
بعد سلق اللحمه هيتبقى البطاطس و البصل و تتبيله كده حلوة اوي اللي انا حاطاها ع وش الرز دي حلوة اوي لما بتتاكل مع الرز
التتبيله دي البطاطس فيها بتكون مهريه و مستويه جدا
بتكون صوص كده بس تقيل اسمها (كشنه)
اهم حاجه اللحمه تتسلق كويس اوي و تكون سايحه اوي ممكن بعد ما التتبيله تتقل تنقلوا اللحمه ف حله تانيه تتسلق براحتها و تحتفظوا بالتتبيله و تحطوها ع وش الرز طعمها فظيع جدا
طريقة الرز
حلة و نحط فيها معلقتين سمنه و ٢ فلفل حار و لومي و عود قرفه و اربع معالق زبيب و نشوحهم و بعد كده نضيف ٢ كوب رز و كل كوباية رز بسمتي ليها ٢ ميه و نحط الملح و بعد ما يتردد الرز هنجيب ربع فنجان ميه ورد و نحط عليه ربع معلقة صغيره من روح الزعفران
و بعد ما يتردد خالص هنرشه ف نص حلة الرز عشان الرز يكون حبه و حبه
#حلو_ومالح
