الموضوع مش بسيط ولا لايف وخلص
لما شخص يكون عنده ملايين المتابعين يطلع ويحكي بمواضيع دينية بدون علم ويخبص بطريقة مثل هيك إحنا قدام تأثير مباشر على عقول ناس كثير .. والأخطر انه نسبة كبيرة من متابعينه أصلاً تحت 18 سنة يعني من الأخر أطفال ومراهقين لسا بمرحلة التكوين، بياخذوا الكلام على إنه حقيقة وبيبنوا عليه فهمهم بدون ما يكون عندهم أدوات يميّزوا أو يتحققوا
هون المشكلة الحقيقية مش بس إنه في تخبيص… المشكلة إنه في جيل كامل ممكن يتأثر بكلام غير دقيق من شخص مش مختص أصلاً ومش مخوّل يحكي بهالأمور
الشهرة ما بتعطي صلاحية تحكي بكل إشي ولا بتحوّل أي حدا لمرجع ولما يكون جمهورك فيه أطفال مسؤوليتك أكبر بكثير من مجرد محتوى، ومن هون بصراحة الموضوع لازم ما يمر مرور الكرام في ضرورة حقيقية إن الجهات المختصة تتابع هالمحتوى وتراقب اللي بصير وتحط حد لهالتخبيص ولأي طرح ممكن يضلل أو يأثر سلبًا على وعي الصغار
باختصار اللي عنده جمهور صغير بالعمر لازم يكون أكبر بالوعي وإذا غاب الوعي لازم يكون في جهة توقف الموضوع عند حده لانه الموضوع زاد

في يومِ الجمعة،
أرفع قلبي قبل يديّ،
وأقول: يا الله
إن كان في صدري ثِقَلٌ فخفِّفه،
وإن كان في طريقي تعبٌ فبدِّله سكينة،
وإن تأخّر عني ما أحب
فاجعل لي في التأخير خيرًا لا أراه الآن.
اللهم في هذه الجمعة
اكتب لنا فرحًا قريبًا،
واجبِر خواطرنا جبرًا يليق بكرمك،
وطمأنينةً لا تزول،
ودعوةً تُستجاب
فتُغيّر مجرى أيامنا إلى أجمل مما تمنّينا.
جمعة مباركة