هذا هو الواقع ..

نهفات رمضانيه 😅
احلى فقرة عصير قمر الدين 😂😂😂😂
في ناس بعزموك عالإفطار، وأول ما يأذن المغرب، بركضو عليك بكاسة مي و3 حبات تمر، وكل تمرة بحجم حبة الليمون! 🤣
بتمد إيدك عشان تاخد فخدة جاج؟ بسبقوك وبيعطوك كاسة تمر هندي، وبيقولولك: “هاي مشان تبتّل العروق، تقاليد وما بصير نبلش بالأكل دغري!” 🥲
تخلص التمر هندي، تحاول تسكبلك شوية فريكة؟ بيردّوا عليك بزبدية شوربة، وبيحلفولك إنها ضرورية عشان معدتك كانت واقفة طول اليوم ولازم تسلك!
تشرب الشوربة، وترجع تمد إيدك عالكبة؟ فجأة بتلاقي قدامك نص جاط فتوش، وواحد منهم بغمزلك: “أمانة لا تخجل، الفتوش كثير مفيد!” 🙄
آخر إشي بتمل، بتتعب، وبتنسد نفسك، وبتقولهم: “دايمة!” بس لسه ما خلصنا، بيعطوك كاسة قمر دين تلزق بسقف حلقك،
وتقضي باقي القعدة تحاول تقحط فيها لسانك، ومو قادر تحكي! 🤣
مش عارف هاي عزومة إفطار ولا جلسة تعذيُب!
احكولنا عن مواقفكم بعزايم رمضان! 💛
#عزايم_رمضان