قديش بنسمع قصص عن أم انحرمت من ولادها بسبب طليقها ..
من وانا صغيرة كان عنا جارة مثل القمر اتزوجها واحد من وهي١٦ سنة وما كملت تعليمها ..؛ خلفت منه ٣ اولاد وبنت ؛ وصار مشاكل لاحقاً واتطلقوا ولما طالبت بالحضانة أخدهم وسفّرهم برا الاردن ، ولليوم ما التقت فيهم من ٢٠ سنة !!
اخذهم من حضن امهم وهنن اطفال اعمارهم جميعاً اقل من ٦ سنوات ؛ والاوجع من هيك انه هلأ تغير شكلهم ولو صدفتهم بيوم ما حتتعرف عليهم 💔💔
وهاي سبأ وحدة من الأمهات الضحايا اللي زوجها سفّر ابنها ويمكن فعلاً ما ترجع تشوفوا مرة تانية !!!!
واوكي انه القانون بعطي الام حق حضانة الطفل ولكن كمان اعطى الحق للأب يسافر مع الابن بدون علم الأم !! كونه اله حق (القوامه )وهاد الشي فعلاً ظلم
القانون فعلاً لازم يتغير !!! ولازم يكون في مساواة بالقرار بالنسبة لموضوع السفر بين الام والاب !!!
بأي حق هي ممنوع تسفّر ابنها الا بموافقة طليقها أما هو بقدر يسفره ويبعده عنها مدى الحياة !!!!؟
#رجعوا_ابن_سبأ
