أنا شخص صعب في التعامل في بداية أي علاقة.
صعب أصدق، صعب أدّي الأمان، صعب أنبهر، صعب أحِب؛ وده لإني طول الوقت مُحاطة بكلام حلو وظريف.
لكن في حالة إني صدقتك وآمنتلك وحبيتك.
فـ انت هتعيش في سعادة وحنية ورقة قلب لا متناهية، لإني شخصية تانية في الحُب، غير البني آدم الصارم الجد إللي بيصُد أي استهبال.
ببتكر أساليب جديدة في العطاء، أساليب أنا شخصيًا بستغربني فيها وبتفاجئ بيا بسببها، ببقى مستمتعة وأنا بدّي زي ما باخُد بالظبط.
قريت جملة من شوية بتقول:
"حِبني على طول ماتضيعنيش".
فـ انت لو ضيَّعتني بعد ما حبيتك هتخسر، وتعيش تعيس وحزين وتايه.