[هذا المشهد من مسلسل القضاء ⚖️]
كل شخص بهالحياة عنده عالمه الخاص… دينه، عائلته، أهدافه، وحتى ألمه والأشياء اللي يحبها. كلنا نختلف، ومحد يعرف شنو داخل قلب الثاني أو شنو دا يواجه من صعوبات بحياته. ممكن نشوف شخص هادئ ونحسبه مرتاح، أو نشوف واحد عصبي ونحكم عليه بسرعة، بس بالحقيقة كل واحد بينه قصة محد شايفها كاملة.
مرات نحس بثقة تجاه ناس، ونقرب منهم، ونحبهم حب صادق لأن نشوف بيهم شي مميز… يمكن طيبة، يمكن أمان، يمكن إحساس مختلف. بس مع الوقت، تنكشف أشياء ما كنا متوقعينها، وننصدم لأن الصورة اللي رسمناها إلهم ما كانت حقيقية، أو كانت ناقصة.
وهنا نتعلم درس مهم… مو كل إحساس نصدقه، ولا كل شخص نعطيه حجم أكبر من حقيقته. لأن مو الناس تتغير، يمكن احنا اللي ما كنا شايفينهم بوضوح من البداية.
ورغم هذا كله، نبقى نحاول، ونبقى نثق، لأن الحياة بدون ثقة تصير ثقيلة. بس الفرق إن نتعلم نكون أهدأ بالحكم، وأوعى بالمشاعر، ونفهم إن كل إنسان يحمل داخله عالم كامل… مو سهل ينفهم من نظرة أو موقف.#تركي #القضاء #حكم