مش منطق يكون جارك مش ملاقي لقمة يطعميها لولاده برمضان، وإنت نازل على الطريق توزع عصير وتمرات على الرايح والجاي!
انا بعرف انك بدك تعمل خير وانت كويس والله يبارك فيك وبعمرك وبمالك وبالخير اللي بدك تقدمه لكن صدقني اللي راكب مرسيدس وبي إم وماشي عالطريق، هذا مش ميت من الجوع ولا مستني انك تفطره، وأصلاً بكون عامل حسابه ومجهز حاله
روح دوّر منيح بالعائلة بتلاقي ناس ما معها تاكل اللقمة او حتى جارك الباب بالباب ممكن يكون مش لاقي ياكل..
بحبش بالبيوت المستورة اللي حواليك قبل ما تطلع لبرا في ناس ببيوتها لا في فطور ولا حتى لقمة سحور، بس عزة نفسهم مانعيتهم يحكوا
خلي خيرك للي حواليك، لأنه العين بتشبع لما تشوف القريب شبعان وبالنهاية الأقربون أولى بالمعروف ♥️