قصة حقيقية في الأردن صارت قبل كم يوم لما الناس صحيت على دواماتها ولقت ورقة معلّقة على باب العمارة.
مش إعلان بيع، ولا شكوى…
ورقة بسيطة مكتوب فيها بمناسبة قرب شهر رمضان، تم إعفاء جميع المستأجرين من دفع الإيجار لهذا الشهر.
الخبر انتشر بالعمارة أسرع من أي إشاعة.
في اللي ابتسم، وفي اللي ما صدّق، وفي اللي قرأ الورقة مرتين عشان يتأكد.
هذا الزلمة أردني نشمي
صاحب العمارة شاف الناس متضايقة، وطبعا الغلا قاتل، والرواتب يدوب تكفي.
حكى: "رمضان جاي، وربنا كريم… خلّيها على الله".
ما استنى شكر، ولا طلب مقابل، علّق الورقة وراح عشان يبسط هالناس ..
يمكن بالنسبة إله شهر إيجار، بس بالنسبة لغيره…
راحة بال، دعوة من القلب، وإحساس إن لسا في خير بهالدنيا.
وفي ميزان حسناته إن شاء الله والله يكثر من أمثاله ♥️