عارفين المقولة دي.." الكل حكيم مادامت القصة ليست قصته " يعني الكلام مفيش اسهل منه لان ببساطه اللي ايده في الميه مش زي اللي ايده في النار..وعمرك ماهتحس بغيرك أو غيرك هيحس بيك
الصبر سهل أوي لو المصيبه مش مصيبتك.
إنك تمسك نفسك و تقف علي رجلك بعد الوقعه علطول سهل أوي مادام اللي وقع حد غيرك..
النصايح و الحكم و المواعظ بتبقى أبلغ ما يكون و ممكن نألف فيها كتب طول ما إحنا بره الموضوع و مش في موقف الشخص اللي بيعاني..
" اجمد. انشف.بطل دلع. ما تستحمل شويه " أول كلام بيتقال لو الوجع ما يخصناش !
" أنت مكبّر الحكايه " أسرع رد لأي حد بيتلوى قدامنا من الوجع أو قلبه بيتعصر من حاجه منغصه عليه عيشته لمجرد إننا ماجربناش نتحط مكانه لحظه ..
اللي ايده في المايه عمره ما كان و لا هيكون زي اللي ايده في النار و حس بلسعتها و داق المر من وجعها !
في حاجات عمر الواحد ما هيحسها إلا لو جرب وجعها بنفسه، في حاجات لو جربت تعيشها لحظة هتعرف إنك متعرفش أي حاجه في قاموس الوجع .
فا خليك في حالك وخليك انسان سوي ومتبصش لحياة حد وشيل شيلتك بحلوها ومرها واحمد ربنا عليها وسيب كل واحد في شيلته اللي انت متعرفش عنها حاجه غير الظاهر ليك وبس وياريت تخليك حكيم كده في حياتك انت وبس
وفي اقتراب شهر رمضان المبارك
اللهمّ عائلتي لبقيّه حياتي
اللهمّ بيت لا يخلو من صوتهم♥️
آللَّهُم آلسَّلآم لقلْوبهم من كل شيء يُرهقهم يُتعِبهم ، يُضعفهم ، يؤذيهم 🤲🏻
" اللهُم عافية تُصاحبهم كظلهم ♥️
" فإنّهم لا اقتباس ينصفهم ، و لا نص يكفي للحديثِ عنهم ، هم الفضلُ ، هم الخيرُ ، وهم الكُلُّ
اللهم وعافيتهم وضحكتهم
