سؤال من عضو 43

انا ياجماعه صارلي متزوجة ٢٠ سنه ومن يوم كنت عروس وانا كل رمضان بفطر عند بيت اهل زوجي بنعمل انا وسلفاتي وام زوجي اطباق وبنتساعد بالفطور بس عنجد انا هاي السنه مش قادره اتحمل التزام شهر كامل اولا صار عندي ٦ اللي برضع واللي عنده دراسه واللي عنده اختبار وكل يوم احمم والبس وامشط والله هلكت نفسي افطر في بيتي نفسي استقر المشكله كل يوم بنطلع من قبل المغرب بنروح ١٠ بالليل او اكثر يعني فيه ٥ او ٦ ساعات انا طالعة من البيت
غير التسيب في. الدراسه الوضع في رمضان حدا بتلخبط عندي حاسه الوضع غير محتمل المشكله عندي بزوجي كل ما احكيله بدي افطر في بيتنا بيرفض رفض تام وبيحكيلي انتي حره افطري في البيت
واولادي طبعا بحبو يروحوا يفطروا هناك لاكتر من سبب
تنوع الاكل
كل يًوم طلعة
يعني بالاخر ماعندي الا خيارين يا افطر لحالي يا اعاني هاي المعانه شهر كامل وانا فعلا مش قادره

سؤال من عضو 42
انا تعبت من ابني ما بقعد ما بهدا حركه شغب خراب اذى بس ذكي جدا واجتماعي وبفهم عمره سنتين بس مقصر عمري بعيط ليل نهار منه شو الحل ؟؟

سؤال من عضو 41
أنا عروسه جديد الي متجوزة ٤ أشهر وحامل بالشهر الرابع كلشي كان بحياتي حلو وكنت مقتنعة انه ربنا دايما معي ويعوضني عن كلشي بشع مر بحياتي .. لحد ما اجا اليوم المشؤوم ٩_٢_٢٠٢٥ الساعة ٦:٣٠ الصبح توفى بابا روح قلبي ولا بنسى صوت أخوي هو بحكيلي بابا مات ولا بنسى شكله وهو بالكفن هاد اليوم نفسي هو عبارة عن كابوس.. بنات مو قادرة أتخطى والله قلبي محروق كل يوم بزيد جرحي في بطني بيبي مو قادرة أدير بالي عليه حتى بيتي مو قادرة أفوته وجوزي مو عارفة ارجع معه زي أول مع انه كتير واقف معي بس أنا مجروحة ومخنوقة حاس الدنيا صارت سودة حاس الحياة صار كئيبة حاس انه حياتي وقفت ولا ممكن اشي يقدر يرجع الفرح لحياتي .. ما بنسى صوته ضحكته كلامه .. ادعوله بنات بجاه الايام الفضيلة بابا كان إنسان تقي وبخاف الله كثير بس راح كثير بكير وكسر قلبنا كلنا 💔

سؤال من عضو 40
مرحبا🥺
عادي اترك شغل عشان متعلقة ببنتي ولا مش منيح لبعدين
بصير عندي الف فكرة بصير اعيط مشتاقة الها و بخاف عليها مرضت الشهر الماضي حسيت انا ام مش منيحة الها اليوم لما وديتها الحضانة صارت تعيط كثير عليي حسيت انه خلص انهرت 🥺
مو عارفة اخذ قرار لما حكيت لماما حكتلي بتكبر بتروح المدرسة بتضلك لحالك بس اذا بدك تضلك هيك عليها اتركي و اقعدي عندها 🥲
لسا ما حكيت لزوجي
لما مرضت حكالي بسببك البنت مرضت انا من الخطبة ما بدي هالشغل وعارف نتائجه اذا حكيت بصير بشكك و متحكم
لانه بالخطبة فسخنا الخطبة و رجعنا عشان انه ما بدي اترك الشغل
مو عارفة اقدم الاستقالة ولا اكمل و اصبر حالي !!!

سؤال من عضو 39
تقدملي عريس بس ساكن بقرية
كيف العيشة في القرى طول عمري بالمدينة صعب التأقلم ولا عادي🥲