ابعد عن الناس اللي عندها "المغناطيس العطلان" 🧲
النوع ده عنده بوصلة مشاعره بايظة لو عاملته بذوق وأدب ، بيحس إنك "مضمون 🤔
إنت لو سألت عليه "عملت إيه في يومك؟"، هو بيترجمها في دماغه "أيوة الشخص ده واقع فيا ومستني إشارة ، خليني بقى أتقمص دور النجم العالمي اللي جدوله مشغول بين هوليوود وبين إنه بياكل ساندوتش طعمية"🤦
بس خد بالك انت لما تتغابى .. هما يتعدلوا 🔨
أول ما تقرر "تتعوج" وتتعامل ببرود التلاجات اللي في عز الشتا ، وتنسى إنهم موجودين أصلاً ، تلاقي فجأة رسايل "أنت فين؟" و"واحشنا يا فلان" بدأت تمطر عليك🤷
الفلسفة من ورا "العوجان" 🧠
الناس دي عندها فوبيا من "السهل" بيحسوا إن الشخص الطيب والمحترم ده "لقمة طرية" ملهاش طعم ، لكن الشخص اللي بيطلع عينهم ده "تحدي" لازم يكسبوه ✅
الحقيقة المرة : أنهم مش بيحبوك وإنت تقيل ، هم بيحبوا "الإيجو" بتاعهم وهو بيحاول يرجعك تاني
وأول ما ترجع تتعدل ،
هيرجعوا هما يتعوجوا .. دايرة مفرغة 🤦
لأن الاحترام عندهم مرتبط بالخوف مش بالحب للأسف
النوعية دي اتعودت إن اللي بيتعامل بقلب أبيض "بيتشاف قليل"، واللي بيتعامل ببرود و"بيتعوج" هوا اللي بيتعمله ألف حساب عشان كده لما بتبدأ إنت كمان "تتعوج" عليهم وتنسحب ، بيحسوا بالخطر إن "المصدر" اللي كان بيدلعهم هيضيع ، فيبدأوا يتعدلوا عشان يرجعوك تاني ⚖️
الخلاصة 👇
النوعية دي محتاجة "معاملة زي بتوع الضرائب" .. خليك رسمي ، ناشف ، ومحسسهم دايماً إن فيه غرامة تأخير لو فكروا يستهبلوا
وعشان تريح دماغك ، اللي مبيجيش بالحب ، خليه يروح بالـ "Block" المعنوي ❌
لأن العمر مش بعزقة عشان نقضيه "نشـد ونرخي" في بني آدمين فاكرين نفسهم تمارين سويدي! 🤷♂️💀
ولقلوبكم السعادة 💗
