لماح ( بدون موسيقى) — عايض يوسف

من فترة كنت طالعة بالسرفيس وفي واحد قاعد جنبي عم يحكي مكالمة مع خطيبتو ، و عم يسايرها بالحديث .
" ولك منشاني ، طيب منشان خاطري ، بحياتي عندك ، بترجاكي خلص " و صوتو عالي ومسموع يعني ..
و انا عم قول بيني وبين حالي " هاد شو بدو منها ؟ وع شو عم يترجاها هيك ؟" الفضول موتني بصراحة !!
شي غريب ، شب طول وعرض ومو هامو شكلو قدام الناس اللي قاعدة وفي شباب ورانا عم يتهامسو عليه وعلى اسلوبو مع البنت وطريقة كلامو ..
المهم ... عم يحكي معها وبدون أي مقدمات قلا " صوتك المبحوح من البكي هاد وجعلي قلبي ، صح أنا خطيبك ولسا مالي الحق أني اسأل أبوكي ليش مزعلك ، بس انا مافيني خليكي زعلانة ...
وأنا بموت فيكي .. طيب ليكي عشر دقايق وبكون تحت بيتكن ... جايبلك معي شوكولا ومحارم منشان تمسحي دموعك " .. وصار يضحك ويراضي فيها ..
رجع قلا بضحكة " الله يخرب بيتك ع بيت أبوكي ... كل الي بالسرفيس سمعانين حكيي .. بس بتعرفي معلش .. المهم بحبك .
تطلعت فيه وقلتلو الله يخليكن لبعض ويجمعكن .. قلي حاربت مشانا كل الدني لوافقو اهلا عليي والحمد لله الاسبوع الجاية عرسنا صدقوني فرحت اكتر منو والله 🦋🤍
#الخلاصة : الحنية ، الحنية يا جماعة ..🤍🦋

ستايل اللبس اللي بقيت ألبسه و أنا راضيه عنه وعن نفسي