لما عرفت إن في حد بيحاول يشوه صورتي و بيتكلم عني فـ ضهري كنت زعلانة أوي بس هون عليا كلمة الشيخ الشعراوي:
"سيقال عنك ما ليس فيك سيقال عنك ما لا تحب و يقال أنك فعلت ما لم تفعل ولن تجد من يدفع عنك الأذى فلا تحزن خذ العفو وأمر بالعرف وأعرض عن الجاهلين "
الناس مستحيل تبطل تتكلم عنك ، جاء موسى إلى الله عز وجل وقال "يا ربي كف ألسن الناس عني!".
فَربنا عز وجل قاله : "يا موسى ذلك شيء لم أكتبه لنفسي".
أنا بكون مستنية مواقف مُعينه علشان عقلى يصدق ويبعد مرتاح الضمير…
و اقتنعت إننا مش هنقدر نسكّت الكذاب، ولا نمنع حقد الناس علينا، ولا نقدر نطفي حرقة المغلول ولا نخلي القلوب السودا تنضف، ولا نمنع حد إنه يكرهنا وينشر كلام وحش عننا بين الناس ..
المريض هيقول اللي هو عايزُه، والحاقد اللي شبهُه هيطبّله، واللي بيكرهني هيقوله براڤو .. والأصيل هيرُد غيبتي، والعاقل هيقول ميلزمنيش أسمع من الأساس، واللي يعرفني كويس مش هيصدّق حرف من كلامه.